Layihələndirmədən təhvilə qədər — qaz və su xətlərini öz komandamızla layihələndirir və çəkirik.
Yaşayış massivləri, sənaye obyektləri və fərdi sifarişçilər üçün HDPE (PE100) borularla qaz və su xətlərini çəkirik. İş xəttin marşrutunun dəqiqləşdirilməsindən, qazıntıdan, boruların alın qaynağı və elektrofuziya ilə birləşdirilməsindən, sınaqdan və təhvildən ibarətdir. Öz istehsalımız olan boru və aksesuarlardan istifadə etdiyimiz üçün material tədarükü və qiymət əvvəlcədən məlum olur.
Tikintiyə başlamazdan əvvəl ərazini öyrənir, boru xəttinin marşrutunu, diametrləri və materialları müəyyənləşdiririk. Hazırlanan layihə işlərin ardıcıllığını, material siyahısını və smetanı əhatə edir — beləliklə sifarişçi tikintinin həcmini və xərcini əvvəlcədən bilir. Layihəni ayrıca xidmət kimi və ya xətlərin çəkilməsi ilə birlikdə sifariş etmək olar.
Texniki tələblərinizi göndərin — mütəxəssislərimiz 24 saat ərzində qiymət təklifi hazırlasın.
